معلش ياغزه بتهون ،،

دمعي ودمعك مدفون
واسمك بين المدن " من دون "
عاصي عكل مستكبر وملعون
تعالو شوفو ابطالها
مثل السيف المسنون
بأي قانون ياعالم
بأي قانون
أسكت للي ضربني
وأرسم ابتسامة مجنون
وإن كان النا بالموت حظين
حظ الحصار
والانتظار
،
،
،
جبار يا إبن غزه جبار
عزيمه وإراده وشعلة نار
يقولو وقعو القرار
وبكره يشتد الحصار
وبعد يغيب الشعب
وما يفج عليه نهار
ويقولو جاينا اعصار
وكل مره بنسمع انذار
بنسمع صوت المدافع
والقصف والدمار
بنسمع صرخة مريض عالحاجز
بحالة الاحتضار
وبنسمع الصوت الدولي
وكأنه الميت صرصار
،
،
،
صحيح قلوبنا متباعده
وكأنه الوطن مش شايف وطن
وخلاف سبب فتنه واستخفاف
وقتل طفل صار مش اختلاف
وخطف وتعذيب اصبح امر شفاف
وقلوبنا لملمت حقد ما بينشاف
شوف يا اخي هالاستلطاف
ثقافه لمعت الواطي والكشاف
بس هذا شعب والله مابيخاف
من يوم يومه بتصدى
وكل وقته استنزاف

يبقى ،،،

نصمد ونتحاور
ونتخلى عن كل المقاييس
ونصون شعب بحكم الله
ونحترم كل مقعد وجليش
ونحب الارض
ونربي اولاد
مايعبدو الا رب العباد
.... ونحلم
يمكن بكره يكون زمزم
ونقاوم
بوحدتنا وعزمتنا
وسجل يا تاريخ

،، غزه ارض العزه ،،